Бугун 8 август, 2022 йил, душанба

O'ZB

“Хитой-Қирғизистон-Ўзбекистон” темир йўл қурилиши лойиҳаси бўйича ишлар бошланмоқда

“Хитой-Қирғизистон-Ўзбекистон” темир йўл қурилиши лойиҳаси бўйича ишлар бошланмоқда

Магистрал Хитой темир йўлларини Ўзбекистон билан боғлаши, кейин эса Афғонистон, Эрон ва Туркияга бориши керак.

Хитой лойиҳа институтининг 80 нафар мутахассиси Қирғизистонга етиб келди ва “Хитой-Қирғизистон-Ўзбекистон” темир йўли қурилиши лойиҳасининг техник-иқтисодий асосларини тайёрлаш бўйича ишларни бошлади. Бу ҳақда Sputnik Қирғизистон ёзмоқда.

Бир кун аввал Қирғизистон Республикаси транспорт ва коммуникациялар вазири Эркинбек Осоев Хитой темир йўл қурилиш корпорациясининг Биринчи лойиҳа-қидирув институти вакиллари билан учрашди. Учрашувда томонлар темир йўл қурилишида ишларни кучайтириш зарурлигини таъкидлади.

“Темир йўл қурилишининг техник-иқтисодий асосларини биргаликда ишлаб чиқиш бўйича келишув аллақачон мавжуд”, дейилади вазирлик хабарида.

Хабарга кўра, Қирғизистон раҳбарияти лойиҳани тезроқ амалга ошириш тарафдори ва имкон қадар тезроқ техник-иқтисодий асослашни ишлаб чиқиш учун барча саъй-ҳаракатларини амалга оширмоқда.

Маълумот ўрнида, темир йўл қурилиши бўйича шартнома сентябрь ойида ШҲТ саммитида имзоланиши режалаштирилган. Магистрал Хитой темир йўлларини Ўзбекистон билан боғлаши, кейин эса Афғонистон, Эрон ва Туркияга бориши керак. Лойиҳанинг амалга оширилиши Марказий Осиёни муҳим транзит йўлига айлантиради.

Киритилди: 20:21 05.08.2022. Ўқилди: 1998 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!