ХДП курьерлар ҳимоясига чиқди

Халқ демократик партияси мопед ва скутерларда нон топаётган 130 мингдан ортиқ курьер манфаатини ҳимоя қилиб чиқди.

Партия ҳайдовчилик гувоҳномаси ва давлат рақами олиш талабларини жорий этиш муддатини кейинги йилга қолдириш, шунингдек, тўловлар ва муддатларни қайта кўриб чиқишни таклиф этди.

Баёнотда таъкидланишича, аҳолининг камбағал қатламлари ва ўзини ўзи банд қилган фуқароларни қийин аҳволга солиш ўрнига, улар учун енгил ва инновацион ечимларни топиш мақсадга мувофиқ.