ХДП жамоат транспорти тарифлари ошишининг ижтимоий таъсирини баҳолашни сўрамоқда

Тошкентда автобус ва метро учун бир марталик электрон тўлов тарифини ошириш таклифи жамоатчилик муҳокамасига қўйилди.

Ўзбекистон Халқ демократик партияси тарифларни белгилашда ташувчилар харажатлари билан бир қаторда аҳоли даромадлари, оилавий харажатлар, ўқувчи ва талабаларнинг кундалик қатнови ҳам ҳисобга олиниши кераклигини билдирди.

Партия, айниқса, кам даромадли ва кўп фарзандли оилалар манфаатларини инобатга олиш зарурлигини таъкидламоқда.