Хави Анчелоттини ҳимоя қилди: “10 йилда 30 унвон – бу камми?”

"Барселона" собиқ бош мураббийи Хави сўнгги пайтларда "Реал" устози сифатида танқид қилинаётган Карло Анчелоттини ёқлаб чиқди.

"Кўк-анорранглилар"нинг собиқ устози испан футболида дарҳол натижаларга эътибор қаратиш жуда юқори эканлигини таъкидлади.

"Анчелоттини қаранг - у 10 йил ичида 30 та унвонни қўлга киритди, уни эса ҳеч нарсага эриша олмагандек танқид қилишади. Модомики, Анчелоттига ҳужум қилишаётган экан, унда бошқаларни нима кутиш керак? Испанияда босим жуда катта, айниқса, "Барселона" ва "Реал"да," - дея Хавининг сўзларини келтиради Marca.