Демократик партиядан АҚШ президентлигига номзод Камол Харрис ўз рақиби - республикачи Доналд Трампни "фашист" деб ҳисоблашини маълум қилди. Ҳаррис CNN телеканалида кўрсатув томошабинларидан бири томонидан берилган тегишли саволга ижобий жавоб берди.
"Ҳа, ҳисоблайман, - деди Харрис. - Шунингдек, мен уни бу томондан яхши биладиган одамларга ишониш керак, деб ҳисоблайман."
У, эҳтимол, Трамп билан ишлаган ва унга тегишли тавсифларни берган собиқ юқори мартабали ҳукумат амалдорларини назарда тутган. Улар орасида Трамп штаб бошлиғи Жон Келли ва Трамп президентлиги даврида штаб бошлиқлари бирлашган қўмитаси раҳбари бўлган генерал Марк Милли бор.
АҚШ президентлигига номзод Трамп ўзининг Truth Social ижтимоий тармоғида Харриснинг нутқига изоҳ бераркан, рақибининг "бузуқ мияси" борлиги ва у тобора "риторика даражасини кўтараётгани" ҳақида ёзди. "У ўз риторикасининг даражасини ошириб бормоқда, ҳаттоки мени Адолф Гитлер деб аташгача борди ва унинг бузуқ миясига келадиган бошқа ҳамма нарсаларни ҳам айтди," дея Трамп ўзининг Truth Social ижтимоий тармоғида ёзиб қолдирди.
Мактабларда кузги таътил вақти эълон қилинди
Эрон ўраб олинмоқда
Антарктида яшил рангга айлана бошлади
