ХАМАС Трампнинг Ғазо бўйича режасини қабул қилишга мойил

Фаластиннинг ҲАМАС ҳаракати АҚШ президенти Дональд Трампнинг Ғазо секторидаги урушни тугатиш бўйича тинчлик режасини қабул қилишга мойил.

Бу ҳақда CBS News ўз манбасига таяниб маълум қилди.

Фаластин гуруҳи 1 октябрь куни Миср ва Қатар воситачиларига жавоб беришни режалаштирмоқда.

Аввалроқ Трампнинг Ғазо бўйича тинчлик режаси Америка раҳбари ва Исроил бош вазири Беньямин Нетаньяху ўртасидаги учрашувдан сўнг Оқ уй томонидан эълон қилинган эди. Нетаньяху АҚШ ташаббусини қўллаб-қувватлади.

20 банддан иборат режада барча исроиллик гаровга олинганларни озод қилиш, ХАМАС таслим бўлиши, Ғазо секторига зарур инсонпарварлик ёрдами етказилиши ва анклавни технократик, сиёсий бўлмаган Фаластин маъмурияти бошчилигидаги муваққат маъмуриятга топшириш кўзда тутилган. Нетаняху режага ўзгартириш киритди: энди ИД бўлинмаларининг Ғазодан босқичма-босқич олиб чиқилиши тўғридан-тўғри ХАМАСни қуролсизлантиришдаги тараққиёт билан боғлиқ ва Исроилга қўшинларни олиб чиқишни тўхтатиб туриш ҳуқуқи берилган.