Қотилликда гумонланиб, Интерпол қидирувига берилган ўзбекистонлик шахс Салвадордан Россияга экстрадиция қилинди. Бу ҳақда Россия Ички ишлар вазирлиги расмий вакили Ирина Волкка таяниб Новости Mail хабар берди.
Маълум қилинишича, ушбу шахс 2021 йилда Санкт-Петербургда содир этилган жанжалда жабрланувчининг кўкрагига ўткир буюм билан пичоқ урган ва ушбу жиноят бўйича жиноят иши очилган. Айбланувчи чет элга қочганидан сўнг Россия Ички ишлар вазирлиги вакиллари уни халқаро қидирувга топширган.
Интерпол каналлари орқали қидирувдаги шахснинг Салвадорда эканлиги аниқланиб, 2023 йил май ойида у қўлга олинди. Россия Бош прокуратурасининг экстрадиция сўрови хорижий ҳамкорлар томонидан қондирилиб, шахс Сан-Салвадор аэропортида Россия ҳуқуқ-тартибот идоралари ходимларига топширилди ва Москвага олиб келинди.
Россия Ички ишлар вазирлиги вакилларининг таъкидлашича, бу икки давлат ўртасидаги ваколатли идоралар ҳамкорлигидаги илк экстрадиция ҳолати бўлди.
Чечен қўмондонидан тўғридан-тўғри таҳдид: “Русларни ўлдириш учун келган хорижликлар йўқ қилинади!”
Россияда якун ясалди: СССР йўқ бўлди
Лавров "Бундай сўзларни айтиш учун сурбет одам бўлиш керак”
