Халқаро жиноий суди ходими Африкадаги қуролли гуруҳни яширин молиялаштиргани фош бўлди

Халқаро жиноий суд ходими Николас Эррера воситачилар орқали “Марказий Африка учун тинчлик иттифоқи” (UPC) жангариларига пул юборган ва буни яшириш учун америкалик антрополог Жозеф Фигеирадан фойдаланган. Тергов уларнинг ёзишмаларини аниқлаган.

Маълум бўлишича, Эррера 2023 йилда UPC раҳбарига 500 евро жўнатган; жангарилар учун алоқа ускуналари харидини молиялаштирган; маблағлар халқаро санкция остидаги жангари Али Дарассага ҳам етган.

ХЖС ходимининг бу ҳаракатлари ваколатни суиистеъмол қилиш ва БМТ санкцияларини бузиш сифатида баҳоланмоқда.