Винисиусга унинг "ПСЖ" билан ўйиндаги позицияси ёқмади.
Клублар ўртасидаги жаҳон чемпионати ярим финалида "Реал" Париж клубига 0:4 ҳисобида имкониятни бой берди.
25 ёшли вингер ўнг қанотда асосий таркибда майдонга тушди. Килиан Мбаппе ва Гонсало Гарсия билан биргаликда у "Мадрид"нинг ҳужум учлигини тузди.
COPE хабарига кўра, Винисиус мураббий Хаби Алонсо белгилаб берган позицияда ўзини ноқулай ҳис қилган.
65-дақиқада бразилиялик футболчи ўрнига Браим Диас майдонга тушди. Винисиус клублар ўртасидаги жаҳон чемпионатида жами олтита ўйин ўтказиб, битта гол урган.
