Владимир Путин ва Доналд Трамп гаплашишга тайёр

Россия президенти Владимир Путин Доналд Трампни АҚШ сайловларида ғалаба қозонгани билан табриклади. Кремль раҳбарининг айтишича, Трампнинг Украина ва Россия билан муносабатларни тиклаш ҳақидаги ўтмишдаги сўзлари эътиборга лойиқ.

Россия президенти Владимир Путин пайшанба куни Доналд Трампни АҚШ сайловидаги ғалабаси билан табриклади ва Москва республикачилар партиясидан сайланган президент билан мулоқотга тайёр эканини айтди.

Украина президенти Владимир Зеленский билан ҳам гаплашган Трамп Россиянинг Украинадаги урушини бир неча соат ичида тугатиши мумкинлиги ҳақида мақтанган ва АҚШнинг Украинага берган ёрдамини қайта-қайта танқид қилган.