Россия президенти Владимир Путин Украина қуролли кучлари томонидан босиб олинган Россия ҳудудларини озод қилиш Россия қуролли кучларининг «муқаддас бурчи» эканини айтди. У, шунингдек, хавфсизлик хизматларига мурожаат қилиб, уларни «жиноятчиларни жазолашга» чақирди.
«Қуролли кучларнинг муқаддас бурчи душманни ҳудудимиздан чиқариб юбориш, ҳарбий адлия органларининг вазифаси бу барча жиноятларни, айниқса тинч аҳолига қарши содир этилган жиноятларни қайд этиш, махсус хизматларнинг вазифаси эса жиноятчиларни топиш ва жазолашдан иборат. », деди Путин Мудофаа вазирлигининг кенгайтирилган ҳайъати йиғилишида.
Шунингдек, у мудофаа харажатларини оширишнинг ўз чегараси борлигини айтди. Ҳозир, Путиннинг сўзларига кўра, мудофаа қобилиятини ошириш учун харажатлар 6,3 фоизгача ошди: «Биз бу харажатларни чексизликкача ошириб, чексизликкача кўтара олмаймиз.» Иқтисодиёт, фан, таълим, соғлиқни сақлаш каби бошқа соҳаларни ҳам ривожлантириш имконияти бўлиши учун, деди Россия президенти.
Бундан ташқари, Путиннинг таъкидлашича, 2024 йилда Россия ҳарбийлари Украинанинг 189 та аҳоли пунктини эгаллаб олган. Ҳайъатда иштирок этган мудофаа вазири Андрей Белоусовнинг қўшимча қилишича, уруш бошланганидан бери гўёки 4,5 минг квадрат километр Украина ҳудуди босиб олинган.
Путин ҳалок бўлган россиялик ҳарбийлар сонини айтмади, аммо ҳайъатда бир дақиқалик сукут эълон қилди. Россия Федерацияси Президентининг таъкидлашича, бу йил ҳар куни ўртача мингдан ортиқ киши шартнома бўйича ҳарбий хизматга киришмоқда. Путиннинг эслатишича, Россия қуролли кучларининг штат сони 1,5 миллион ҳарбий хизматчига оширилган. Россия президенти дронларни ишлаб чиқаришни ҳам кўпайтиришни талаб қилди.
Эртага Ўзбекистонда қор ёғиши кутилмоқда
16 декабрь куни яна изғирин совуқ қайтади
Россия Украинадан ерларини қайтариб олганини эълон қилди
