Сурия муваққат ҳукумати БМТ Хавфсизлик кенгашини Исроилнинг Сурияга қарши ҳужумларини тўхтатиш борасида амалий ҳаракатга ундади.
Суриянинг БМТдаги доимий вакили Қусай ад-Даҳак томонидан бош котиб Антониу Гутерришга йўлланган шикоятда Исроил армияси 1974 йилги битимни бузган ҳолда Сурия ҳудудига бостириб киргани қораланган.
«Сурия Араб Республикаси ўз тарихининг янги даврига қадам қўяётган, халқ эркинлик, тенглик ва қонун устуворлиги ҳукм сурадиган давлат қуришга интилаётган, фаровонлик ва тинчлик орзусини рўёбга чиқаришга ҳаракат қилаётган пайтда Исроилнинг босқинчи армияси Суриянинг Ҳермон тоғи ва Қунейтра муҳофазасидаги ҳудудларига кирди», – дейилади шикоятномада.
Дамашқ ҳукумати Исроил армиясидан зудлик билан Сурия ҳудудидан чиқиб кетишни талаб қилган.
Суриянинг муваққат бош вазири Муҳаммад ал-Башир.
Эртага Ўзбекистонда қор ёғиши кутилмоқда
16 декабрь куни яна изғирин совуқ қайтади
Россия Украинадан ерларини қайтариб олганини эълон қилди
