Россия президенти Владимир Путиннинг Остонага ташрифи 27 ноябрь куни бўлиб ўтади. Бу ҳақда 7 ноябрь куни Қозоғистон ташқи ишлар вазири Мурат Нуртлеу маълум қилди, деб ёзади «Ведомости».
«Бугунги кунда Қозоғистон-Россия муносабатлари барча йўналишларда муваффақиятли ривожланмоқда. Бунга давлатларимизнинг анъанавий мунтазам алоқалари, Россия президенти Владимир Путиннинг 27 ноябрь куни Қозоғистонга бўлажак давлат ташрифи ёрдам бермоқда», - деди Нуртлеу Москва ва Остона ўртасидаги стратегик иттифоқ мақомига тўхталиб.
Россия ташқи ишлар вазири Сергей Лавров бу маълумотни тасдиқлади.
«Бизнинг [Россия ва Қозоғистон] ўртамиздаги муносабатлар юксалиб бормоқда. 27 ноябрь куни Қозоғистонга давлат ташрифига жиддий тайёргарлик кўрилмоқда, ўнлаб ҳужжатлар бўлажак саммитни имкон қадар тўлдириш мақсадида уларни тайёрлаш тезлаштирилган», — деди Лавров.
Россия президенти Қозоғистонга охирги марта 3 июль куни Шанхай ҳамкорлик ташкилоти саммитида иштирок этиш учун ташриф буюрган эди.
Буюк Британия Путинга «энг замонавий» қанотли ракеталар билан хабар юборди
Дунёнинг табиий захирлари қиймати бўйича энг бой 10 мамлакати
Гурулев АҚШни ядровий кулга айлантирмоқчи
