Винисиус дисквалификацияга учради ва муҳим ўйинда "Реал"га ёрдам беролмайдиган бўлди

Мадриднинг "Реал" клуби ҳужумчиси Винисиус Жуниор дисквалификация туфайли жамоага кейинги тур ўйинида ёрдам бермайди.

Бразилиялик футболчи шанба куни "Райо Вальекано"га қарши ўйиннинг 63-дақиқасида захирадан майдонга тушди ва 74-дақиқада сариқ карточка олди. Бу форварднинг жорий Ла Лигадаги бешинчи огоҳлантиришидир, яъни у келаси якшанба, 22 декабрь куни бўлиб ўтадиган "Севилья"га қарши лига ўйинини ўтказиб юборади.

Ла Лиганинг навбатдаги тури ўйини олдидан "қаймоқранглилар" қитъалараро кубок финалида Мексиканинг "Пачука" жамоаси билан тўқнаш келишади. Ушбу ўйин чоршанба куни бўлиб ўтади.