Вэнс НУЖ ҳақидаги ҳужжатларни текшириш ниятини эълон қилди

АҚШ вице-президенти Джей Ди Вэнс АҚШ маъмуриятининг НУЖлар ва ердан ташқари ҳаёт шакллари ҳақидаги ҳужжатларини кўриб чиқиш режасини эълон қилди.

Вэнс бу ҳақда журналист Бенни Жонсон билан интервьюда айтди.

"Вице-президент сифатида ҳали уч йилим бор ва мен НУЖ ҳужжатларининг тубига етиб бораман", деди у.

Вэнснинг айтишича, у аллақачон баъзи материалларни кўриб чиққан, аммо бу аниқ фикрни шакллантириш учун етарли эмас.

У шунингдек, унинг фикрича, ўзга сайёраликлар "жинлар" эканлигини қўшимча қилди.