Эрон минтақадаги АҚШ базаларига зарба берди

Эрон Ислом инқилоби қўриқчилари корпуси (ИИҚК) минтақадаги Америка ҳарбий базаларига зарба берганини эълон қилди.

Бу ҳақда Khabar Fouri ахборот агентлиги ИИҚКга таяниб хабар берди.

Ҳужум "Ҳақиқий ваъда 4" операциясининг 84-тўлқини доирасида ракеталар ва учувчисиз учиш аппаратларидан фойдаланган ҳолда амалга оширилди.

ИИҚК ракетага қарши мудофаа тизимларини йўқ қилишдан ташқари, ёқилғи қуйиш ва қўллаб-қувватлаш кучлари жойлашган Ал-Харж авиабазасига (Саудия Арабистони пойтахти Ар-Риёднинг жануби-шарқида жойлашган Шаҳзода Султон авиабазаси) зарбалар берилганини маълум қилди.

Эрон томонининг маълумотларига кўра, бир нечта Америка ёқилғи қуйиш ва қўллаб-қувватлаш самолётлари йўқ қилинган ёки ишдан чиқарилган.

"ИИҚКнинг денгиз ва аерокосмик кучлари Ҳормуз бўғози ва Форс кўрфазидаги Эрон позицияларини қатъий ҳимоя қилади", дейилади баёнотда.