ИИҚК: Ҳормуз бўғози ёпилди

ИИҚК маълум қилишича, Ҳормуз бўғози орқали ўтишга уринган учта контейнер кема уларнинг денгиз кучлари огоҳлантиришидан сўнг ҳудудни тарк этган.

Баёнотда айтилишича, «АҚШ президентининг Ҳормуз бўғози очиқ деган асоссиз баёнотларидан сўнг, бугун эрталаб турли байроқ остидаги учта контейнер кема рухсат берилган кемалар учун мўлжалланган йўлакдан ўтишга уринди, аммо ИИҚК денгиз кучлари огоҳлантирганидан кейин орқага қайтди».

Ислом Инқилоби Қўриқчилари Корпуси яна бир бор таъкидлади: АҚШ, Исроил ёки Эронга қарши агрессияни қўллаб-қувватлаётган бошқа давлатлар билан боғлиқ ҳар қандай кемалар учун ўтиш қатъий тақиқланади.