АҚШ маъмурияти Эронга қарши ҳарбий операция мақсадларига эришилганига ишонади ва можарони тугатиш вақти келди деб ҳисоблайди.
Бу ҳақда АҚШ вице-президенти Жей Ди Вэнс Fox News телеканалида маълум қилди.
"Мен чин дилдан ишонаманки, биз мақсадларимизга эришилган ҳолатдамиз. Биз бунга чек қўйишни бошлашимиз мумкин", деди у.
Шу билан бирга, Вэнс можарони "муваффақиятли музокаралар" орқали тугатишни афзал кўришини таъкидлади. Бошловчининг Исломободда АҚШ ва Эрон делегациялари ўртасидаги музокаралар пайтида нима нотўғри кетгани ҳақида сўраганида, Ванс "ҳамма нарса яхши ўтди" деб таъкидлади. "Биз катта ютуқларга эришдик", деди у.
Вице-президент шунингдек, Эроннинг ядро дастури масаласига ҳам тўхталди, унинг сўзларига кўра, бу Қўшма Штатлар учун ташвиш туғдиради: "Шунинг учун биз ушбу материал [бойитилган уран] мамлакатдан бутунлай олиб чиқилишини, токи у Қўшма Штатлар назорати остида бўлишини истаймиз... Эронликлар ядровий қуролга эга бўлишни ният қилмаганликларини айтишлари бошқа нарса. Бунинг содир бўлмаслигини таъминлаш механизмини яратишимиз бошқа нарса. Албатта, бунинг бир қисми уларнинг уранни бойитиш имкониятига эга эмаслигини таъминлашдир".
Эслатиб ўтамиз, Покистон воситачилигида Эрон ва Қўшма Штатлар ўртасида 11-12 апрель кунлари Исломободда бўлиб ўтди. Бир неча соат давом этган музокаралар келишувсиз якунланди.
Теҳронда Олий раҳбар вафоти муносабати билан катта мотам маросими бўлиб ўтмоқда
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Жавоҳир Синдаров ва ижтимоий тармоқларни портлатган сурат
