Венгрия нима учун Украинага 90 миллиард евро ажратилишини тўсиб қўйди?

Венгрия ҳукумати Европа Иттифоқининг Украинага 90 миллиард евро миқдоридаги кредитини блокировка қилишга қарор қилди, чунки у Россия нефтининг “Дружба” қувури орқали транзитини тўсиб қўймоқда.

Бу ҳақда Венгрия ташқи ишлар ва савдо вазири Петер Сийярто эълон қилди.

"Биз Украина “Дружба” қувури орқали нефть етказиб беришни қайта бошламагунча, Украинага 90 миллиард евро миқдоридаги ҳарбий кредитни блокировка қилишга қарор қилдик. Венгрияга нефть етказиб бериш қайта бошланмагунча, Украина 90 миллиард евро миқдоридаги ҳарбий кредитдан фойдалана олмайди", деди ташқи ишлар вазири М1 телеканали томонидан эфирга узатилган видеомурожаатда.

Аввалроқ Financial Times газетаси Венгрия вакили Украинага Европа Иттифоқи бюджети томонидан кафолатланган қўшма қарз беришга сўнгги дақиқада вето қўйганини хабар қилган эди.