АҚШ Эронга эҳтимолий зарба учун USS Gerald D. Ford авиаташувчиси Яқин Шарққа етиб боришини кутмоқда

АҚШ Эронга эҳтимолий зарба учун USS Gerald D. Ford авиаташувчиси Яқин Шарққа етиб боришини кутмоқда — Тhe Washington Post.

Трамп маъмурияти Яқин Шарқда ҳарбий иштирокни кучайтирмоқда, жумладан USS Gerald D. Ford авиаташевчисини ҳам жалб этиб, Эронга қарши эҳтимолий операцияга тайёргарлик кўрмоқда. Бундай амалиёт бўйича қарор яқин 10–15 кун ичида қабул қилиниши мумкин, шу билан бирга дипломатик имконият ҳам сақланиб қолмоқда.

Оммавий ахборот воситаларининг хабар беришича, АҚШнинг B-2 Spirit стратегик бомбардимончилари юқори ҳарбий шайлик ҳолатига келтирилган. Шунингдек, ўнлаб ёқилғи қўйиш самолётлари Яқин Шарқдаги позицияларга кўчирилган.

Axios нашрининг ёзишича, АҚШ Эрон билан йирик урушга яқинлашмоқда, ҳарбий тўқнашув эҳтимоли 90 фоиз. Нашр манбаларига кўра, Эронга қарши эҳтимолий операция АҚШ ва Исроил иштирокидаги бир неча ҳафталик кампания шаклида бўлиши мумкин.

Бундан ташқари, сўнгги кунларда Қўшма Штатларнинг 50 дан ортиқ қирувчи самолёти Яқин Шарққа жойлаштирилди.

АҚШ Эрон билан кескинлик фонида Яқин Шарқ минтақасида USS Abraham Lincoln авиаташувчиси бошчилигидаги зарба гуруҳини жойлаштирган эди. Шунингдек, Вашингтон минтақада THAAD ракетага қарши мудофаа тизими батареяларини жойлаштирди.