Венесуэла расмийлари АҚШ ҳарбий амалиёти натижасида 100 киши ҳалок бўлганини маълум қилди

Венесуэла ички ишлар вазири Диосдадо Кабелло АҚШнинг президент Николас Мадурони қўлга олиш бўйича операцияси оқибатида ҳалок бўлганлар ва жароҳатланганлар сонига аниқлик киритди.

Бу ҳақда CNN маълум қилди.

"Ҳозир ва ҳозир айтяпман, 100 киши ҳалок бўлди. Ва тахминан шунча одам яраланди", деди у ва ҳалок бўлганларнинг "можарога алоқаси йўқлигини" таъкидлади.

Тинч аҳоли қурбонларининг аниқ сони маълум қилинмаган.

Бироқ аввалроқ The Guardian нашри Венесуэла армияси ҳалок бўлган 23 нафар ҳарбий хизматчи рўйхатини эълон қилгани ҳақида хабар берган эди.

Душанба куни Куба ҳукумати АҚШнинг Мадурони қўлга олиш бўйича операцияси чоғида Венесуэлада 32 кубалик ҳалок бўлгани ҳақида хабар берди. АҚШ Давлат котиби Марко Рубио NBC News телеканалига берган интервьюсида Мадурони кубаликлар қўриқлаётганини айтди.

Ўз навбатида, АҚШ президенти Дональд Трамп амалиёт чоғида бирорта ҳам америкалик ҳарбий ҳалок бўлмаганини, гарчи яраланганлар бўлса-да, деб таъкидлади.

Ўтган ҳафта охирида Америка қўшинлари Венесуэла президенти Николас Мадурони Каракасда қўлга олиб, АҚШга олиб келди. Америка расмийлари Мадурони гиёҳванд моддалар савдосига алоқадорликда айбламоқда.