2024 йил 27 октябрь куни илк бор Қонунчилик палатасига аралаш тизим асосида бўлиб ўтадиган сайловнинг моҳияти ва аҳамиятини атрофлича тушунтириш ҳамда сайловга муносиб тайёргарлик кўриш мақсадида жойларда тегишли тарғибот ишлари олиб борилмоқда.
Жорий йилнинг 24 октябрь куни Олий таълим, фан ва инновациялар вазирлиги ҳамда унинг тизим ташкилотларда фаолият юритаётган ёш ходимлар ўртасида ҳуқуқий ва электорат маданиятини юксалтириш бўйича тарғибот тадбири ўтказилди.
Ўзбекистон Миллий университети Ижтимоий фанлар факультети «Ҳуқуқий фанлар» кафедраси доценти, фалсафа фанлари доктори (ДСc), «Маърифат» тарғиботчилар жамияти аъзоси Жалолиддин Юсубов сайловлар ва ислоҳотлар ҳақида умумий маълумот бериб ўтиб, 2024 йилги сайловларда илк маротаба аралаш сайлов тизимидан фойдаланилишига алоҳида тўхталди.
Бу тизимда Қонунчилик палатаси депутатларининг 50 фоизи бир мандатли сайлов округларидан мажоритар тизим бўйича, қолган 50 фоизи эса партия рўйхатига пропорционал вакиллик орқали сайланиши назарда тутилиши айтиб ўтилди.
Маърузачи «E-saylov» ахборот тизими имкониятлари ҳақида батафсил маълумот бериб, тадбир иштирокчиларининг барча саволларига батафсил жавоб бериб ўтди.
Мактабларда кузги таътил вақти эълон қилинди
Тоғли ҳудудларда кучли ёғингарчилик кузатилиши мумкин – Ўзгидромет
Ўзбекистонда ўсмир қизлар мактабда ўқитувчини калтаклади
