Маълумотларга кўра, самолёт бортида 60 нафар йўловчи ва 4 нафар экипаж аъзоси бўлган. Самолёт билан тўқнашган вертолётда эса 3 киши бўлган.
АҚШ фигурали учиш федерацияси Вашингтонда ҳалокатга учраган самолёт бортида спортчилар ҳам бўлганини маълум қилди. Бироқ уларнинг исмлари ва бошқа тафсилотлар ошкор этилмади.
American Airlines самолётининг қулаши АҚШдаги энг йирик авиаҳалокатлардан бири бўлиши мумкин. 2009 йилда Colgan Air авиакомпаниясининг самолёти Нью-Йоркда қулаб тушган эди. Ўшанда бортдаги 49 киши ва ерда яна бир одам ҳалок бўлган.
