АҚШнинг Исроилдаги элчиси Жек Лю Исроилнинг тинч аҳолига қарши ҳужумларидан хабардор бўлиб, Давлат департаментига Исроилга қурол сотишни маъқуллаш таклифи билан мурожаат қилди, дейилади ProPublica мустақил журналистлар ташкилоти ҳисоботида. Ҳужжатда айтилишича, Лю Исроил армиясининг Америка бомбаларидан «нотўғри фойдалангани» ҳақидаги хабарларга эътибор бермаган.
Январь ойида Исроил армияси Америка ҳукуматидан 3000 га яқин ГБУ-39 кичик калибрли бомба сўраган эди. Лю Давлат департаментига сўров юбориб, «нотўғри фойдаланиш хавфи йўқ» ва сотувга рухсат берилиши кераклигини таъкидлади. Шу билан бирга, манбаларга кўра, Лю сўнгги пайтларда Исроилнинг Ғазо секторининг аҳоли зич жойлашган ҳудудларига берган зарбалари ҳақида билган, бироқ ўз хабарида бу ҳақда эслатмаган.
Элчихона ходимлари Люга тинч аҳоли қурбонлари ва Фаластин элчихонаси ходимларининг уйлари вайрон бўлганини эслатди, аммо шунга қарамай, юқори мартабали амалдорлар Исроилга бомбалардан фойдаланишга «ишониш мумкин» деб айтишди.
Кейси таъкидлаганидек, аксарият мамлакатларда АҚШ элчихоналари инсон ҳуқуқлари бузилиши ҳолатларини аниқлашга ҳаракат қилади, бироқ Исроилда бу амалиёт қўлланилмайди.
Эрон зарбасидан кейин Исроил ҳаво кучлари базасининг сунъий йўлдош тасвирлари эълон қилинди
Украинага «Барча бомбаларнинг отаси» ташланди
Нобель қўмитасининг қароридан Исроил шок ҳолатига тушиб қолди
