Вашингтон Эронда бойитилган уранни тортиб олиш бўйича операцияга тайёргарлик кўрмоқда

АҚШ Эрон ядровий иншоотларида операция ўтказиш учун бир неча минг аскарни жойлаштиришни кўриб чиқмоқда.

Бу ҳақда New York Post манбаларга таяниб хабар берди.

Манбаларга кўра, агар буйруқ берилса, АҚШ махсус кучлари Эроннинг мустаҳкамланган ядровий иншоотларида бойитилган уран захираларини эгаллаш бўйича операцияни бошлашга тайёр. Манбалар буни "тарихдаги энг мураккаб ҳарбий операция" деб аташади.

Хабарларга кўра, қуруқликдаги операцияда минглаб аскарлар иштирок этиши мумкин. Уларнинг вазифаси ядровий иншоотларга бостириб кириш ва уларни муҳрлаш, махсус операция кучларининг кичик гуруҳи эса бойитилган уранни эгаллаш вазифасини бажаради.

Аввалроқ, июль ойининг ўрталарида The Wall Street Journal АҚШ президенти Дональд Трамп асосий маслаҳатчилар билан бир қатор учрашувлардан сўнг Эронга қарши ҳарбий кампанияни кенгайтиришга мойил бўлганини хабар қилган эди. Нашрнинг хабар беришича, кўриб чиқилаётган вариантлар қаторига Ислом Республикаси ҳудудига ҳаво ҳужумларини кучайтириш, Ҳормуз бўғозидаги оролларни эгаллаш учун қуруқликдаги кучларни юбориш ва мамлакатнинг энергетика инфратузилмасини нишонга олиш киради.