АҚШнинг Лас Вегас шаҳрида ўтказилган North American Оpen 2025 халқаро шахмат турнирида Ўзбекистон терма жамоаси аъзоси Абдумалик Абдусалимов биринчи ўринни эгаллади. 125 нафар шахмат усталари иштирок этган мусобақада у 6,5 очко жамғариб, турнир ғолибига айланди.
Иккинчи ўринни эронлик Магами Эҳсан, учинчи ўринни ҳиндистонлик Коустав Чаттержи қўлга киритди.
Шунингдек, турнирда қатнашган бошқа ўзбекистонлик шахматчилар — Муҳаммадали Абдураҳмонов 6,5 очко билан қўшимча кўрсаткичларга кўра 5-ўринни, халқаро тоифадаги спорт устаси Саидакбар Саидалиев эса 5,5 очко билан 27-ўринни эгаллади.
Абдумалик Абдусалимов 2560 очко билан FIDE рейтингида 278-ўринни эгаллаб турибди. У ўзбекистонлик гроссмейстерлар орасида 7-поғонада қад этилган.
Маълумот учун, жорий йилда Жавоҳир Синдоров Ҳиндистоннинг Гоа шаҳрида ўтган Жаҳон кубогида ғолибликни қўлга киритиб, шахмат тожи учун номзодлар турнирига йўлланма олди.
Шунингдек, Нодирбек Абдусатторов блиц бўйича Жаҳон чемпионатида 2-ўринни қўлга киритди. Бунданташқари Абдусатторов Буюк Британиянинг Лондон шаҳрида ўтказилган London Chess Classic 2025 турнирида ғолиб бўлди.
Месси қисқа муддатга АПЛ гранди сафига бориб қўшилиши мумкин
Игор Сергеев Эронда қанча маош олади?
"Манчестер Сити" 9 футболчисиз қолди
