Ўзбекистонлик чавандоз Эрондаги турнирда олтин медалга эга чиқди

Ўзбекистонлик чавандоз Эронда бўлиб ўтган халқаро турнирда олтин медални қўлга киритди. Бу ҳақда Миллий олимпия қўмитаси маълум қилди.

Теҳронда от спортининг конкур йўналиши бўйича CSIY-B халқаро турнири бўлиб ўтди. Унда иштирок этган ўзбекистонлик спортчи Дилшод Шокиров олтин медални қўлга киритди.

Спортчи ушбу муваффақиятга 110-115 см баландликдаги тўсиқлардан сакраш дастурида эришди.

Маълумот учун, мусобақа ўз ишини 30 апрелдан 2 майга қадар давом эттирди. Бу мусобақа ёш чавандозлар учун халқаро тажриба орттириш, спорт маҳоратини ошириш ҳамда кейинги йирик мусобақаларга пухта тайёргарлик кўриш имконини беради.