32 ёшли Ўзбекистон фуқароси Қозоғистонда самолётда электрон сигарет чеккани учун жаримага тортилди, деб хабар бермоқда Казинформ транспорт полицияси бошқармаси матбуот хизматига таяниб.
“Олмаота аэропортидаги полиция бўлимига Тошкент-Олмаота рейсида йўловчилар орасида ҳуқуқбузар ҳам борлиги тўғрисида хабар келиб тушди. Аёл йўловчи далолатнома билан полицияга топширилди", - деди Полиция транспорт бошқармаси бошлиғининг биринчи ўринбосари Кализхон Кобландин.
Аёлга нисбатан маъмурий баённома тузилиб, 3 603 020 сўм (350 доллар атрофида) жарима солинди.