Марказий Осиёдаги транспорт, алоқа, инфратузилма, ташқи савдо фаолияти ва бошқалар ҳақида маълумот берувчи LogiStan Telegram каналининг хабар қилишича, юк поезди 11 декабрь куни жўнаб кетган бўлиб, таркибда жами 12 метрли 54 та контейнер бор (ҳар бирида 28 тонна карбамид мавжуд).
“Поезд Ўзбекистон, Туркманистон, Озарбайжон ва Грузия ҳудудларидан ўтади. Поти портида (Қора денгизнинг шарқий қисмидаги энг йирик порт) темирйўл платформаларидан контейнерларни кемага қайта юклаш ва денгиз орқали Паранагуа (Бразилия) портига етказиш режалаштирилган”, деган First Dry Port Terminal вакили.
Қайд этилишича, юклар Ўзбекистон кимё саноатида экспорт-импорт операциялари бўйича ягона агент — “Ўзкимёимпекс” компанияси томонидан юборилган.
Юклар манзилга, тахминан, 60—70 кунда етиб боради. Ўзбекистондан Поти портигача контейнерлар 20 кунда, денгиз орқали эса 35—45 кунда етказилиши режалаштирилган.
Эртага Ўзбекистонда қор ёғиши кутилмоқда
16 декабрь куни яна изғирин совуқ қайтади
Қўшма Штатлар Россияга қарши баёнот билан чиқди
