Ўзбекистон Республикаси Вазирлар Маҳкамаси нашри — «Янги Ўзбекистон» ва «Правда Востока» газеталарининг www.yuz.uz расмий веб-сайтини энди тожик ва қозоқ тилидаги версияси орқали ҳам кузатиш мумкин.
Расмий сайтнинг қўшни ва азалий қардош халқлар тилидаги версияси иш бошлаши кейинги йилларда Марказий Осиё давлатлари раҳбарларининг минтақада дўстона сиёсат юритиши самараси ўлароқ, биродар халқларимиз ўртасидаги ҳамжиҳатлик, бағрикенглик руҳидаги муносабатларни янада мустаҳкамлашга хизмат қилади.
Маълумот учун: шу пайтгача www.yuz.uz сайти ўзбек, рус ва инглиз тилларида ахборот узатар эди.
