Ўзбекистон «Қонун устуворлиги» индексида 140 давлат орасида 78-ўринни эгаллади. Бу ҳақда Олий Мажлис Сенати матбуот хизмати хабар берди.
Мамлакатимиз Сербия, Албания, Хитой, Беларус, Қирғизистон, Россия, Туркия ва бошқа давлатларни саккизта кўрсаткич бўйича ортда қолдиришга муваффақ бўлди. Жумладан, «Давлат ваколатларини чеклаш», «Коррупциянинг йўқлиги», “Давлат институтлари фаолиятининг очиқлиги (шаффофлиги), «Асосий ҳуқуқларни ҳимоя қилиш», «Тартиб ва хавфсизлик», «Ҳуқуқни қўллаш амалиёти», «Фуқаролик процесси ва жиноят процесси».
Ҳар йили «Қонун устуворлиги индекси» халқаро ноҳукумат ташкилоти World Justice Project томонидан 150 минг хонадон ва тўрт юз минг адвокат ўртасида сўров ўтказиш орқали тузилади. Қонунийлик даражаси ҳам баҳоланади.
“Ушбу рейтингда Ўзбекистонга берилган баҳо мамлакатимизнинг халқаро ҳамжамиятда ижобий обрўсини шакллантиришда муҳим омил бўлмоқда, – деди Олий палата.
Жорий йилда мамлакатимизда барча саккиз кўрсаткич бўйича яхшиланиш кузатилди. Бунга мамлакатимизда устувор халқаро рейтинг ва индекслар билан мақсадли ишлашнинг ҳуқуқий ва ташкилий механизмлари яратилгани ҳам ёрдам бермоқда.
