Ўзбекистонда 2025 йил 1 январдан миллий вақт шкаласи UTC (UZ) жорий этилади, деб хабар бермоқда «Подробно.уз» мухбири.
Метрология институтида манфаатдор идора ва ташкилотларни аниқ вақт ҳақида маълумот билан таъминлайдиган Вақт ва частоталар хизмати ташкил этилмоқда.
Қолаверса, ушбу хизмат «Ўзтелеком» АКни жалб қилган ҳолда давлат-хусусий шериклик асосида кўрсатилади.
Давлат органлари ва бошқа ташкилотларга пуллик асосда аниқ вақт берилади. Қайд этилишича, олинган маблағнинг 90 фоизи хусусий шерикга тўланиши керак.
Эслатиб ўтамиз, Ўзбекистон 1967 йилда коинотни тадқиқ қилиш ва ундан фойдаланиш тўғрисидаги шартномага қўшилган.
