Ўзбекистон Нотариал палатаси ISO 37001:2016 Коррупцияга қарши кураш менежменти тизимининг мувофиқлик сертификатига эга бўлган Ўзбекистондаги илк нодавлат нотижорат ташкилотига айланди.
Бугун Тошкент шаҳрида Ўзбекистон Нотариал палатасига Халқаро стандартлаштириш ташкилоти (ISO)нинг сертификатларини топшириш маросими бўлиб ўтди. Нотариал палата раиси Дилшод Ашуров ISOнинг вакили - Австрия Республикасининг Ўзбекистондаги элчихонаси тижорат маслаҳатчиси Рудольф Лукавскининг қўлидан ISO 37001:2016 стандарти сертификатини қабул қилиб олди.
Маълумот учун: ISO 37001:2016 – бу ташкилотда коррупцияга қарши курашнинг самарали тизимини яратишнинг халқаро усулларини ўзида жамлаган, коррупцияга қарши мукаммал бошқарув тизимини йўлга қўйишга хизмат қиладиган халқаро стандартдир. У коррупцияга қарши бошқарув тизимини ишлаб чиқиш, жорий этиш, қўллаб-қувватлаш, таҳлил қилиш ва такомиллаштириш учун талаб ва кўрсатмаларни белгилайди.
Мазкур сертификатни қўлга киритиш масаласи Коррупцияга қарши курашиш агентлиги ва Нотариал палата ўртасида имзоланган меморандум ва чора-тадбирларда кўзда тутилган эди.
Бугунги кунда 70 дан ортиқ вазирлик ва идоралар қўлга киритган мазкур сертификат Палатанинг фаолияти Коррупцияга қарши кураш менежменти тизимининг халқаро стандартларга мувофиқлигини билдиради ҳамда барча даражадаги ташкилотларида шаффофлик ва очиқликни таъминлаш юзасидан катта масъулиятни юклайди.
Николай Валуевга нисбатан қидирув эълон қилинди
Собиқ қишлоқ хўжалиги вазири Азиз Воитов ва яна 61 кишига ҳукм ўқилди
Доҳада оммавий норозилик бошланди
