Ўзбекистонда уюшган гуруҳ таркибида безорилик учун жиноий жавобгарлик ёши 16 ёшдан 14 ёшгача туширилади. Сенат тегишли қонунни ўзининг 20-ялпи мажлисида маъқуллади.
Қонун жиноий ташкилот тузиш ва молиялаштириш, шунингдек, ҳокимият ёки мансаб мавқеини суиистеъмол қилиш орқали унинг жиноятларини яширишга кўмаклашиш ва уни рағбатлантириш учун жазоларни белгилайди.
Ўзгартиришлар уюшган гуруҳ таркибида безорилик ва безорилик натижасида қасддан оғир тан жароҳати етказиш учун жазоларни кучайтиради. Жабрланувчининг ўлимига олиб келган оғир тан жароҳати етказиш учун жазолар ҳам оширилади.
Бундан ташқари, жанговар спорт мусобақаларини ноқонуний ташкил этиш ёки ўтказиш учун жиноий жавобгарлик жорий этилади. Иштирокчилар учун маъмурий жазолар кўзда тутилган.
Қонун кучга киришидан олдин қонуний процедуралардан ўтиши керак.
Нега Исроил Ўзбекистонга қизиқиб қолди?
Раъно Шодиева учун оғир жудолик
Айиқ овлаганларга пул мукофоти ваъда қилинди
