Хитойнинг жануби-ғарбий қисмидаги Гуйчжоу вилоятида археологлар 55 минг йил аввал қадимги одамлар томонидан тош, суяк ва шохдан ясалган кўплаб қадимий буюмларни топишди.
1978 йилда топилган мазкур манзилгоҳ ўрта палеолит, сўнгги палеолит ва неолит даврларида мавжуд бўлган деб қаралади.
Ҳозирги қазишмалар у кашф этилганидан буён учинчиси бўлиб, тахминан икки йил давом этди. Бу даврда археологлар тупроқнинг янги қатламини аниқлашди, у ерда 100 мингдан ортиқ ҳайвон суяклари, 10 мингдан ортиқ сопол ва тош идишлар, суяк ҳамда шохдан ясалган 2500 дан ортиқ ашёлар топилди.
Топилган артефактлар орасида 50-60 минг йиллик қадимги одам – Neoanthropus Homo sapiensнинг тошга айланган илдиз тиши ҳам бор.
Шунингдек, олимлар тахминан 10 минг йиллик учта қабрни қазишди, уларда одам суяклари ва суякдан ясалган буюмлар, жумладан, суякдан ишланаган, балиқ овида фойдаланилган илгак топилди, деб хабар беради korrespondent.net.
