Ўзбекистонда 3-4 баллик зилзила қайд этилди

Тожикистонда рўй берган 6 баллик зилзила кучи пойтахт Тошкент ва бошқа вилоятлар марказларида сезилди.

ФВВ Сейсмологик мониторинг Республика маркази хабар қилишича, 10 июль куни Тошкент вақти билан соат 07:14да Тожикистонда рўй берган зилзила кучи Ўзбекистон ҳудудларида сезилди.

Зилзила координаталари: 38,77 градус шимолий кенглик; 70,76 градус шарқий узунлик. Магнитуда М=6. Чуқурлик 15 км. Зилзила эпицентри Тошкентдан 307 км жанубий-шарқда жойлашган.

• Ўзбекистон ҳудудларида сезилиш кучи:
• Фарғона шаҳрида 3-4 балл, 199 км.
• Гулистон шаҳрида 3-4 балл, 256 км.
• Наманган шаҳрида 3-4 балл, 260 км.
• Андижон шаҳрида 3-4 балл, 262 км.
• Жиззах шаҳрида 3 балл, 294 км.
• Тошкент шаҳрида 3 балл, 307 км.
• Самарқанд шаҳрида 3 балл, 342 км.
• Термиз шаҳрида 3 балл, 351 км.
• Қарши шаҳрида 3 балл, 432 км.
• Навоий шаҳрида 2 балл, 486 км.