Ўзбекистонда 2020 йил январь–сентябрь ойларида банклар томонидан 50 627 нафар шахсга ипотека кредити берилди, дея хабар бермоқда Марказий банк маълумотларига таяниб Spot.
Маълум қилинишича, берилган кредитларнинг умумий суммаси 6,4 триллион сўмни ташкил этди. Бу ўтган йилнинг шу даврига нисбатан 1,1 триллион сўмга кўп ҳисобланади.
Энг катта ўсиш Тошкент (1,3 триллион сўмга), Самарқанд (128,6 миллиард сўмга) ва Сурхондарё (92,8 миллиард сўмга) вилоятларида кузатилган.
Жами 6,4 триллион сўмнинг 69,4 фоизи «Қишлоқ қурилиш инвест» ва «Ўз шаҳар қурилиш инвест» томонидан қурилган уй-жойларни сотиб олиш учун берилган.