Ўзбекистонда 2 баллик зилзила сезилди

Қирғизистонда содир бўлган 5,3 магнитудали ер силкиниши Фарғона водийси ва Тошкент шаҳрида сезилди.

Фавқулодда вазиятлар вазирлигининг Республика сейсмик мониторинг маркази маълумотларига кўра, бугун, 23 ноябрь куни Тошкент вақти билан соат 13:33 да Қирғизистонда зилзила содир бўлди.

Зилзила координаталари: 39,5 градус шимолий кенглик; 71,74 градус шарқий узунлик. Магнитуда М=5,3. Чуқурлик 10 км. Зилзила эпицентри Тошкентдан 290 км жанубий-шарқда.

Ўзбекистон ҳудудидаги силкинишлар кучи:

• Фарғона вилоятида 2-3 балл, 98 км.
• Андижон вилоятида 2 балл, 151 км.
• Наманган вилоятида 2 балл, 167 км.
• Тошкент шаҳрида 2 балл, 290 км.