O‘zbekistonda 2 ballik zilzila sezildi

Qirg‘izistonda sodir bo‘lgan 5,3 magnitudali yer silkinishi Farg‘ona vodiysi va Toshkent shahrida sezildi.

Favqulodda vaziyatlar vazirligining Respublika seysmik monitoring markazi ma’lumotlariga ko‘ra, bugun, 23 noyabr kuni Toshkent vaqti bilan soat 13:33 da Qirg‘izistonda zilzila sodir bo‘ldi.

Zilzila koordinatalari: 39,5 gradus shimoliy kenglik; 71,74 gradus sharqiy uzunlik. Magnituda M=5,3. Chuqurlik 10 km. Zilzila episentri Toshkentdan 290 km janubiy-sharqda.

O‘zbekiston hududidagi silkinishlar kuchi:

• Farg‘ona viloyatida 2-3 ball, 98 km.
• Andijon viloyatida 2 ball, 151 km.
• Namangan viloyatida 2 ball, 167 km.
• Toshkent shahrida 2 ball, 290 km.