Ўзбекистон ташқи ишлар вазири Бахтиёр Саидов Ню-Йорк шаҳрида Кипр ташқи ишлар вазири Константинос Комбос билан музокаралар ўтказди.
Ўзбекистон ТИВ раҳбарининг ўз Telegram-каналида ёзишича, Кипр ташқи ишлар вазири Константинос Комбос билан учрашув кун тартибидан қатор масалалар ўрин олган.
Хусусан, Ўзбекистон-Кипр муносабатларидаги мавжуд салоҳиятни рўёбга чиқариш, ҳамкорликнинг шартномавий-ҳуқуқий базасини кенгайтириш муҳокама қилинди.
Бундан ташқари, Ташқи ишлар вазирликлари ўртасида сиёсий маслаҳатлашувлар ўтказиш ва парламентлараро мулоқотни мустаҳкамлаш масалалари кўриб чиқилган.
