Жаҳон олтин кенгаши (WGC) маълумотларига кўра, йилнинг III чорагида Ўзбекистон олтин сотиш бўйича етакчи ўринни эгаллади. Бу вақт оралиғида Марказий банк 35 тонна олтин сотган.
Аввалроқ, Ўзбекистон июль ойида олтин сотиш бўйича мутлақ етакчига айлангани ҳақида хабар берган эдик. Марказий банк июль ойининг ўзидаёқ 11,6 тонна миқдорда олтин сотди.
Ушбу кўрсаткич бўйича иккинчи ўринни 22 тонна олтин сотган ҳолда Туркия эгаллаб турибди. Шунингдек, Россия 1,2 тонна кўрсаткичи билан фаол олтин сотувчи мамлакатлар қаторидан жой олган.
Forbes нашрининг таъкидлашича, III чоракда олтинга бўлган талаб 2009 йил III чорагидан бери энг паст даражага тушди ва коронавирус пандемияси давом этаётган бир пайтда 892,3 тоннага камайган.
Олтин савдосининг ортиши мамлакатларда пандемия сабабли кузатилаётган иқтисодий зарбани юмшатиш учун олтинга бўлган рекорд даражадаги нархлардан фойдаланиб қолиш мақсадлари билан боғлиқ, деб ёзади Bloomberg. Олтин нархи август ойининг бошида унцияси учун рекорд даражага, яъни 2067 долларга кўтарилди.
2025 йил номи эълон қилинди
Қобул Дўсовга ҳукм ўқилди
UzAuto Motors 22 ноябрда Cobalt учун контрактация очади
