“Қўрқитиб қўймоқчи эдим” – Наманганда ёлланма қотил орқали эрини ўлдирмоқчи бўлган аёл ва унинг жазмани қамалди

Қотиллик саҳналаштирилиб, шартли ёлланма қотил ҳолатни тасвирга олган ҳолда буюртмачиларга кўрсатган. Эрининг ўлганига ишонган аёл ва унинг жазмани шартли ёлланма қотилга 5,5 минг доллар бераётганда қўлга олинган.

Аёл судда эрини қўрқитиб қўймоқчи бўлганини, аммо фолбин қўшниси таништирган шахс “йўқ қилиб юборса изи чиқмаслигини” маълум қилиб, қотилликка ундаганини айтган.

Суд аёл ва унинг жазманини айбли деб топди. Уларга 8,5 йилдан озодликдан маҳрум қилиш жазоси тайинланди.