Ўзбекистон МТЖ жаҳон чемпионига қарши ўртоқлик учрашуви ўтказади

Жорий йил октябрь ойида футбол бўйича Ўзбекистон миллий терма жамоаси Аргентина терма жамоасига қарши баҳс олиб боради.

Championat.asia берган маълумотларга кўра, яқинда Жаҳон чемпионатига йўлланмани қўлга киритган Ўзбекистон терма жамоаси мундиалга пухта тайёргарлик кўриш мақсадида уч карра Жаҳон чемпионларига қарши ўртоқлик ўйини ўтказади. Ўйин Аргентинада бўлиб ўтади.

Маълумот учун, Аргентина терма жамоаси амалдаги Жаҳон чемпиони ҳисобланади.