Ўзбекистон апрель ойида ҳам олтин сотиш бўйича дунёда етакчиликни сақлаб қолди, дея хабар берди Жаҳон олтин кенгаши (World Gold Council).
Апрелда жаҳон марказий банкларининг олтин захиралари 12 тоннага ошди. Бу кўрсаткич март ойига нисбатан 1,4 баравардан ортиққа кам.
Полша қимматбаҳо металл хариди бўйича етакчиликни сақлаб қолмоқда. Апрель ойида мамлакат Миллий банки ўз захираларини 12 тоннага оширди, йил бошидан буён унинг захиралари 61 тоннага кўпайди. Кейинги ўринларда Чехия (3 тонна), Хитой, Туркия, Қирғизистон (2 тоннадан), шунингдек, Қозоғистон ва Иордания (1 тонна) турибди.
Ўзбекистон Марказий банки 11 тонна соф олтин сотишни амалга оширди. Йиллик ҳисобда мамлакатнинг соф қимматбаҳо металл савдоси 26 тоннани ташкил этиб, бу кўрсаткич бўйича мутлақ етакчига айланди.
Бундан ташқари, Марказий банкнинг олтин-валюта захиралари кетма-кет учинчи ой рекордни янгилаб, $49,25 млрдга етди. Валюта захиралари эса деярли ўзгаришсиз — $10,33 млрд миқдорида қолди.
Тошкентда андижонлик "доставкачи" йигитни зўрлаган 2 нафар аёл қамалди
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
