Уруш бошланганидан бери ҳалок бўлган фаластинликлар сони 70 мингдан ошди

2023 йил 7 октябрдан бери Исроилнинг ҳарбий ҳаракатлари оқибатида Ғазо секторида ҳалок бўлганлар сони 70 мингдан ошди.

Бу ҳақда Фаластин анклавининг соғлиқни сақлаш вазирлиги маълум қилган.

"Исроилнинг 2023 йил 7 октябрдан бери қилган ҳаракатлари оқибатида ҳалок бўлганлар сони 70,1 минг кишига етди, 170,983 киши жароҳат олди”, — дейилади баёнотда.

Қайд этилишича, сўнгги 48 соат ичида Ғазо секторида икки киши ҳалок бўлган, 11 киши яраланган. Соғлиқни сақлаш вазирлиги маълумотларига кўра, сулҳ кучга киргандан бери Ғазо секторида 354 киши ҳалок бўлган, 900 дан ортиқ киши жароҳатланган.