Ҳиндистонда йиртқич йўлбарс 23 ёшли бошланғич синф ўқитувчисига ҳужум қилиб, уни ҳалок қилди.
Жабрланувчи қўзиқорин териш мақсадида ўрмонга кирган ва ўшандан бери уйига қайтмаган. Қидирув ишларига киришган маҳаллий аҳоли ўрмон ичида унинг юзи ва оёғи сақланиб қолган жасадини топган.
Бу ҳодиса Ҳиндистонда йўлбарслар томонидан инсонларга қилинган такрорий ҳалокатли ҳужумдир. Июль ойида Сундарбанда йўлбарс бир кишини парчалаб ташлаган, иккинчи жабрланувчи эса ҳанузгача топилмаган.
Бундан аввалроқ Махараштра штатидаги Парсеони шаҳри яқинида деҳқон ҳам йўлбарс қурбонига айлангани қайд этилган. Ўшанда ҳам ўрмон ходимлари воқеа жойидан йўлбарс изларини топган эдилар.
Сўнгги йилларда Ҳиндистонда бундай фожиалар кескин кўпаймоқда. Бунинг асосий сабаби — ўрмонлар қисқариши ва одамларнинг табиий муҳитга яқинлашиб боришидир. Қишлоқ аҳолиси тез-тез ўрмонга ёқилғи, қўзиқорин ва бошқа ресурслар излаб киради, бу эса уларни хавф остида қолдиради.
Айрим минтақаларда болалар ҳам болта билан юришга мажбур бўлишмоқда, чунки ҳайвонлар ҳаёт учун жиддий таҳдид солмоқда.
Самолёт Тошкент шаҳрига етмай авиафалокатга учради. Қурбонлар ва жароҳатланганлар бор.
АҚШдаги уйга ёши Ерникидан катта метеорит қулаб тушди
70 ёшдан ошган ҳайдовчиларга рулга ўтириш тақиқланади
