Украинанинг Россия нефт объектларига ҳужумлари ортидан Москва авиакеросин экспортини тақиқлади

​Россия ҳукумати реактив двигателлар учун ёқилғини мамлакатдан олиб чиқишга тақиқ жорий этди. Чекловлар 2026 йил 30 ноябргача амал қилади.

​Ҳукумат баёнотига кўра, ушбу қарорнинг мақсади — ички ёқилғи бозоридаги барқарор вазиятни таъминлашдан иборат.

​Ҳаво кемалари томонидан йўл-йўлакай фойдаланиладиган техник сиғимлардаги ёқилғи ҳамда божхона тартиб-таомилига жойлаштирилган авиакеросин партиялари бундан мустасно.

​Россияда бензин экспортига 31 июлгача бўлган муддатга тўлиқ тақиқ аллақачон амал қилмоқда. Ёқилғи билан боғлиқ муаммолар аннексия қилинган Қримдаги ёқилғи қуйиш шохобчаларида бошланди. Севастополда бензинни талонлар орқали сотиш жорий этилди