Украинанинг Одесса вилоятига Россиянинг ракета ҳужумидан сўнг Туркия кемаси ёниб кетди

"Россия армиясининг ҳужуми натижасида Одесса вилоятидаги Черноморск портида фуқаролик кемаси зарар кўрди", — дея маълум қилди Украина президенти Владимир Зеленский.

“Старна” нашрининг интернетда эълон қилинган суратларга асосланиб хабар беришича, ҳужумга учраган кема Туркиянинг Cеnk RoRo компаниясига тегишли.

Нашр шунингдек, ёнаётган кеманинг бортида генераторлар ва электр станцияларини ишлаб чиқарувчи АКSA компаниясига тегишли контейнерлар бўлганига эътибор қаратди.

Жамоатчилик маълумотларига кўра, ҳужум оқибатида бир киши жароҳатлангани маълум. Ҳозирча бошқа тафсилотлар йўқ.