Украина ҳарбий хизматчилари Курск йўналишида ўн нафар россиялик ҳарбийни асирга олишди.
Бу ҳақда 31 май шанба куни Украина Қуролли Кучларининг Десант-ҳужум қўшинлари қўмондонлиги хабар берди.
"Десантчилар қўшни бўлинмалар билан ҳамкорликда Курск йўналишида Россия армияси ҳарбий хизматчиларини яна асирга олишди. Россия Федерацияси ҳудудидаги ўз бўлинмаларида уларга нисбатан шафқатсиз муносабат, руҳий тазйиқ ва таҳдидлар қўлланилган," - дейилади хабарда.
Таъкидланишича, асирларга зарур тиббий ва руҳий ёрдам кўрсатилди. Уларни кейинчалик Россия асирлигидаги украиналик ҳарбийлар билан алмаштиришда фойдаланиш мумкин.
Ўтган ҳафта Украина ва Россия уч марта асирлар алмашинувини амалга оширди. Умуман олганда, 1000 нафар ҳарбий ва фуқаро ўз уйларига қайтди.
Покистон ва Афғонистон ўртасида қуролли можаро бошланди
Украина Россиянинг муҳим ҳарбий объектларига зарба берди
Россия ташқи ишлар вазири Германияни огоҳлантирди
