Сўз эркинлиги бўғилган, асосан Путинни мақтайдиган ОАВ қолган Россиянинг НТВ каналида кутилмаган ҳол рўй берди. Бу ҳақда Расул Кушербаев ўз телеграм каналида ёзмоқда.
Россия Думасининг собиқ депутати Борис Надеждин эфирда Украинага уруш бошлаш дахшатли хато бўлганини Путиннинг ўзига ҳам маълумлигини айтди.
"Буни (урушни) бошлаш қанчалик даҳшатли хато бўлгани энди Путиннинг ўзига ҳам кўринмоқда. Бошидан бу колониал урушга айланиб кетиши аниқ эди", деган у.
Надеждиннинг бу сўзлари бир ёқлама фикрлашга ўргатилган кўрсатув бошловчиси ва қолган иштирокиларда истерика келтириб чиқарди. Улар тинимсиз Надеждиннинг сўзини бўлиб, гапларини бақириб инкор қилишди.
